Ǵalymdar Ejelgi Mysyrdyń Patshalar alqabyndaǵy «erekshe oqıǵa» týraly málimdedi
ASTANA. QazAqparat - Mysyrlyq arheologtar komandasy ejelgi egıpettikter faraondardy jerlegen aty ańyzǵa aınalǵan Patshalar alqabynyń mańynan birneshe mýmııasy bar mazardy tapty.
Bul tabylǵan dúnıeler biregeı saqtalǵandyǵymen erekshelenedi. Ǵalymdardyń aıtýynsha, bul mýmııalar «asa mańyzdy jańalyq» bolyp tabylady, dep jazdy National Geographic jýrnaly.
Mazardyń ishinde 3500 jyldyq mýmııamen qatar, on aǵash sarkofag pen myńnan asa túrli qudaılardyń músinsheleri tabyldy. Mazar Egıpet patshalarynyń 18-áýletiniń dáýirinde salynyp, Eıshat esimdi aqsúıekke tıesili bolǵan.
Ǵalymdardyń qabirdi ashýy úshin 20 myń tekshe metr qoqysty shyǵarýlaryna týra keldi.
