Ǵalymdar: etti kóp mólsherde jeý temeki shekkenmen birdeı zııandy
ASTANA. QazAqparat - Ońtústik Kalıfornııa ýnıversıtetiniń ǵalymdary etti kóp mólsherde jeý adam aǵzasyna shylym tartqanmen birdeı zııandy degen málimdeme jasady. Olar bul tujyrymdamasyn Cell Metabolism jýrnalynda jarııalanǵan, dep habarlaıdy Day.Az.
Ǵalymdardyń paıymynsha, janýarlar aqýyzdaryn paıdalaný adam aǵzasynda IGF-1 gormonynyń ósýine ákelip soǵady. Balalar úshin bul gormonnyń kóp bolýy mańyzdy. Al eresek adamdarǵa onyń mólsherden tys bolýy obyr men túrli jaspen keletin aýrýlardy týdyrýy ábden múmkin. Atap aıtqanda, jasy 50-den asqan 6 myń adamǵa júrgizgen zertteý kezinde ǵalymdar janýarlar aqýyzyn kóp paıdalanǵan adamdardyń etti az jeıtin adamdarǵa qaraǵanda obyrǵa shaldyǵý múmkindigi 4 esege kóp ekenin dáleldegen. Al IGF-1 gormonynyń az mólsheri jasýshany DNQ-nyń zaqymdanýynan saqtaıdy.
Buǵan qosa, ǵalymdar ósimdik aqýyzyn kóp paıdalanýdyń túbi jaqsylyqqa ákelmeıdi dep otyr. Máselen, 64 jastan bastap adam aǵzasyndaǵy IGF-1 gormony azaıyp, nátıjesinde salmaq azaıýy men súıektiń morttyǵy artady. Sondyqtan, mundaı adamdarǵa aqýyzdy paıdalanýǵa tyıym salynady.
