Ǵalymdar: et jeýdi birden qoıyp ketý densaýlyqqa zııan
ASTANA. QazAqparat - Et jeýdi múlde qoıyp ketse ne bolady? Brıtandyq ǵalymdardyń aıtýynsha, munyń saldarynan densaýlyqqa edáýir zııan kelýi múmkin. Zertteýshiler et taǵamdaryn jeýden bas tartyp, vegetarıan dıetasyn ustanǵan adamdardyń densaýlyǵyn tekserip kórgen, dep habarlaıdy 24.kz telearnasy Independent basylymyna silteme jasaı otyryp.
Aıta ketý kerek, qazir Brıtanııa halqynyń úshten biri ettiń ne ekenin múlde umytqan. Bul adamdardyń aǵzasy qajetti aqýyzdan qaǵylyp, et quramynda bolatyn kóptegen paıdaly zattardan qur qalady. Sondaı-aq vegandar (vegetarıan sózinen qysqartylǵan) aryqtap, biraz salmaqtan arylady.
Biraq, bul olardyń ishek mıkroflorasynyń qalypty jumysynyń buzylýynan bolady. Et jemeıtin adamdar únemi sharshap-shaldyǵyp, kóńil-kúıleri túsińki bolyp júredi eken. Al eń qıyny, vegandyqtan bas tartyp, qaıtadan et jeýdi uıǵarǵan adamdardyń as qorytýy nasharlap, asqazanda jara paıda bolýy múmkin, dep jazady basylym.
