Ǵalymdar Eskendir Zulqarnaıyn óliminiń qupııasyn ashty
ASTANA. Tamyzdyń 5-i. QazAqparat - Ǵalymdar Eskendir Zulqarnaıynnyń óliminiń qupııasyn ashty, dep habarlaıdy YTPO.ru. Uly qolbasshy ári patsha Eskendir Zulqarnaıyn ózen sýymen ýlandyryldy. Amerıkandyq ǵalymdar ejelgi dáýirdiń dańqty qaharmany Eskendir Zulqarnaıynnyń óliminiń kezekti bir osyndaı boljamyn jasap otyr. Olardyń pikirinshe, ol ózen sýymen ýlandyrylǵan.
Eske sala keteıik, Zulqarnaıyn bizdiń jyl sanaýymyzǵa deıingi 323 jyldyń maýsym aıynda 33 jasynda qaıtys boldy. Ǵasyrlar boıy onyń súzek nemese bezgek aýrýynan qaıtty degen pikir qalyptasty. Degenmen, ol ýlandyrylǵan degen boljamdar boldy, biraq onyń qalaı, nemen ýlanǵany týraly málimet bolmady. Amerıkandyq zertteýshilerdiń pikirinshe, qolbasshyny Stıks ózeninen alynǵan sýmen ýlaǵan. Buryndary Stıks ózeni tamuqtan bastaý alyp otyr degen nanym-senim bolǵan. Bul ózen qazirgi kúni de bar. Ol grektiń Peloponnes túbeginiń taýlarynda aǵyp, Mavronerı nemese «Qara sý» degen ataýǵa ıe. Mamandar osy ózenniń sýyna zertteý júrgizgende, ony sýynyń quramynda asa qaýipti ýly bakterııanyń barlyǵyn, ol bakterııanyń kalıheamıtsın dep atalatyn ýly zatty shyǵaratynyn anyqtady. Degenmen, olardyń Eskendir Zulqarnaıynnyń naqty osy ózen sýymen ýlanǵany týraly boljamynyń neden shyǵyp otyrǵany habarlanbaıdy.
