Ǵalymdar erli-zaıyptylar arasyndaǵy urys-keristi toqtatýdyń amalyn tapty
ASTANA. 7 mamyr. QazAqparat - Nottıngem ýnıversıtetiniń psıhologtary erli-zaıyptylardyń arasyndaǵy urys-keriske qarsy gormondyq spreı oılap tapty. Ǵalymdardyń aıtýynsha, onyń quramyndaǵy oksıtotsın janjalǵa jol bergen jannyń ashýyn basyp, sabasyna túsiretin kórinedi.
muslim.kz saıtynyń jazýynsha, ol úshin urysty bastaǵan adamnyń betine atalmysh spreıdi búrikseńiz, jetip jatyr. Bir aıta keterligi, ol erler men áıelderge árqalaı áser etedi: áıelder sabasyna túsip, sabyrǵa keletin bolsa, er-azamattar elgezek tartyp, áldeqaıda sezimtal bolady eken. Ǵalymdar spreıdi jasy elýdi eńsere qoımaǵan jıyrma jupqa qoldanyp, synaqtan ótkizipti.
Ǵalymdar spreıdi kún saıyn qoldanýǵa keńes berip otyr. Ol otbasyndaǵy qatynasty jaqsartyp qana qoımaı, erli-zaıyptylardyń bir-birine degen súıispenshiligin arttyrady.
