Ǵalymdar: Erlerge qaraǵanda áıel adamnyń este saqtaý qabileti joǵary
ASTANA. 25 qańtar. QazAqparat - Norvegııalyq ǵylym jáne tehnologııa ýnıversıtetiniń ǵalymdary er adam qaı jasta bolmasyn, áıel adamǵa qaraǵanda, umytshaq bolatyndyǵyn rastady. Zertteýshilerdiń eńbegi BMC Psychology ǵylymı jýrnalynda jarııalandy, dep jazady rosbalt.ru.
Erlerdiń áıelderge qaraǵanda umytshaq bolatyndyǵyn rastaý úshin ǵalymdar 2006 jyldan bastap 2008 jyl aralyǵynda 50 myń adamdy teksergen. Nátıjesinde er adamdardyń kisi esimi, belgili bir kúnder, oqıǵalar jáne basqa da usaq-túıekterdi esinde saqtaı almaıtyndyqtary anyqtaldy. Sonymen, saýalnama toltyrǵan 89,7 paıyz er adam, 86,5 paıyz áıel adam kisi esimderin este saqtaı almaǵan, aıtýly kúnderdi este saqtaı almaǵan er adamdar 74,9 paıyz bolsa, názik jandylar 64,7 paıyz bolyp shyqty.
Norvegııalyq sarapshylardyń pikiri boıynsha, er adamdardyń umytshaqtyǵy qan qysymynyń joǵary bolýynan, júrek-qan tamyrlary aýrýlary, gıpodınamııa sııaqty aýrýlarmen jıi aýyratyndyqtan, sondaı-aq zııandy ádet - temeki shegetindikten bolady eken.
