Ǵalymdar erlerdiń tazǵa aınalýynyń genetıkalyq sebepterin tapty
ASTANA. QazAqparat - Shotlandııalyq zertteýshiler 53 myń er adamnyń DNK-syn tekserip, taz bolýdyń genetıkalyq sebepterin tapty.
Zertteý nátıjeleri PLOS Genetics ǵylymı jýrnalynda jarııalandy.
Edınbýrg ýnıversıtetiniń mamandary shashy túsken adamdardyń DNK-syn aıyrýdy úırendi.
Budan basqa, zertteýshiler taz bolý anasynan er adamǵa beriletin H-hromosomymen baılanysyn rastady jáne shashtyń túsýine jaýap beretin 200-den astam jańa gen ashty.
Zertteý ortasha jasy 57-degi er adamdardyń DNK-syn paıdalanyp, júrgizildi. Derekterdi 500 myńǵa jýyq adamnyń DNK úlgisi saqtalǵan Brıtandyq bıobank usyndy.
