Ǵalymdar er men áıeldiń mıynda asa aıyrmashylyq joq ekenin aıtty
ASTANA. QazAqparat - Taıaýda Shveıtsarııadaǵy Bazel ýnıversıteti ǵalymdary áıel men er adamnyń mıynda ózgeshelik bar ekenin, mı qyzmeti ártúrli jumys isteıtinin málimdegen bolatyn. Onda mamandar emotsııalyq zarıadtalǵan aqparat erlerge qaraǵanda, áıelderge kúshtirek áser etetinin anyqtaǵan. Alaıda, Izraıldiń Tel-Avıv ýnıversıteti ǵalymdary ol tujyrymdy joqqa shyǵaryp, er men áıeldiń mı qurylymynyń esh aıyrmashylyǵy joq degen málimdeme jasady.
Zertteýshiler 1400 adamnyń mıyn MRT-da skanerlep taldady. Mamandar mı qyzmetin emes, onyń anatomııalyq qurylymyn tekserdi, dep málimdedi «HealthVesti.com». Ǵalymdar mı tininiń qalyńdyǵy men onyń ártúrli qurylymynyń kólemin ólshedi. Qorytyndysynda, ǵalymdar jekelegen parametrler aıasynda jynysqa qatysty ózgeshelik baryn baıqaǵanymen, mı qurylymynan aıtarlyqtaı aıyrmashylyq tabylmaǵanyn jetkizdi.
