Ǵalymdar eń uzaq ómir súrgen qabylandy tapty
ASTANA. QazAqparat - Mamandar Reseıdegi Prımorede teńiz mańyndaǵy ulttyq saıabaqtan keminde 16 jyl ómir súrgen úshinshi qabylandy tapty. Ǵalymdardyń pikirinshe, qabylannyń bul túri eń kóp degende 12 jyl tirshilik etedi.
«Alys shyǵys qabylanynyń bul jasqa jetýi sırek qubylys. Ǵalymdar buryn osy jasqa jetetin eki qabylan túrin ǵana bilgen (Ivan, Tolstoı), dep habarlady ulttyq saıabaqtyń baspasóz qyzmetinen.
Alekseı degen ataýǵa ıe bolǵan Alys shyǵys qabylany foto tuzaq obektıvine alǵash ret 2003 jyly túsken. 2007-2012 jyldary ol qarǵybaýmen júrgen. Al bıylǵy aqpanda ol qaıta foto tuzaqqa túsken.
Alys shyǵys qabylany - ǵalamshardaǵy iri mysyq tuqymdastardyń eń sırek kezdesetin túri. Reseıde 2000 jyldardyń basynda olardyń sany 30 boldy. Qazir 70-ke jetken. Reseıde bul janýarlar tek Prımore ólkesinde tirshilik etedi. Olardyń 90 paıyzy ulttyq saıabaqta ómir súredi. 2014 jyly foto tuzaqqa 57 qabylan túsip qalǵan, dep habarlaıdy interfax.ru.
