Ǵalymdar: Eń eńbekqor adamdar AQSh-ta turady
ASTANA. QazAqparat - Halyqaralyq ǵalymdar toby qaı eldiń turǵyndary eń eńbekqor ekenin anyqtady. Zertteý barysynda AQSh pen Eýropa turǵyndary baǵalandy.
Bastapqyda mamandar amerıkalyqtar men eýropalyqtardyń jumys ornynda qansha ýaqytyn ótkizetinin eseptedi. Nátıjesinde Eýropanyń orta eseppen turǵyny amerıkalyqtarǵa qaraǵanda, 19 paıyzǵa az jumys isteıtini anyqtaldy. Bul kórsetkish 260 saǵatqa az nemese kún saıyn bir saǵatqa kem.
Jumysta ótkizetin ýaqyt mólsheri boıynsha amerıkalyqtarǵa shveıtsarııalyqtar jaqyn. Al Italııa halqy, kerisinshe, AQSh turǵyndaryna qaraǵanda, 19 paıyzǵa az jumys isteıdi.
Salystyrmaly túrde: Reseı turǵyndary eýropalyq elderge qaraǵanda, jumys ornynda kóp ýaqyt ótkizedi, alaıda amerıkalyqtardan sál (jylyna 1761 saǵatqa) kem.
Keı sarapshylardyń aıtýynsha, amerıkalyqtar kóp eńbek etedi, olar qyzmetinde kóterilýdi maqsat etedi ári olarda salyq Eýropaǵa qaraǵanda tómen, dep habarlady Informing.
