Ǵalymdar: Eń bıik taý Everest emes
ASTANA. QazAqparat - 1953 jyly Edmýnd Hılları men Tentsıng Norgreı álemdegi eń bıik taý - Everest shyńyna alǵash ret shyqqan ýaqyttan beri bul maqsatty óz aldyna kóptegen alpınıstter qoıdy. Alaıda olar taý shyńyn durys tańdaǵan joq.
The Daily Mail-diń habarlaýynsha, is júzinde ǵalamshardyń eń bıik núktesi - Ekvadordaǵy Chımbaraso sóngen janartaýy. Onyń bıiktigi nebári 6267 metr bolsa da (Everesttiń bıiktigi - 8848 metr), ǵalymdar Everestti nege álemniń eń bıik núktesi dep sanamaý kerek ekenin túsindire alady.
Sońǵy ret b.d. І myńjyldyǵynda atqylaǵan kóne Chımboraso XVI ǵasyrdan bastap XIX ǵasyrdyń sońyna deıin álemniń eń bıik shyńy sanalǵan. Biraq keıin bul málimetterdi úndi matematıgi jáne topografy Radhanat Sıkhar joqqa shyǵardy, dep jazady moya-planeta.ru.
Júzjyldyqtardan keıin frantsııalyq ǵalymdar Jer ǵalamsharynyń beti túgel shar tárizdi emes, onyń ekvatordaǵy radıýsy polıýsterge qaraǵanda 20 shaqyrymdaı keńirek ekenin eske saldy. Chımboraso Everestke qaraǵanda ekvatorǵa jaqynyraq ornalasqan. Everest teńiz deńgeıine súıensek qana eń bıik taý sanala alady. Al eger taýdy Jer ortasynan bastap eseptese, Chımboraso janartaýy Everestten birneshe metr bıikteý bolady (Everest - 6381 metr, Chımboraso - 6384 metr).
