Ǵalymdar: Emdámniń barlyǵy birdeı paıdasyz
ASTANA. QazAqparat - Avstralııalyq ǵalymdar uzaq merzimdi bolsyn, qysqa merzimdi bolsyn, kez kelgen emdámniń paıdasy joq degen sheshimge keldi. Dıeta aıaqtalǵannan keıin, onyń qansha ýaqytqa sozylǵanyna qaramastan, artyq salmaq qaıta qosylady.
Qysqa jáne uzaq merzimdi emdámder túrli nátıje beredi dep sanalady. Qysqa merzimdi dıete ustaý kezinde adam tez aryqtaıdy, alaıda ol uzaqqa sozylmaıdy. Al dıetany uzaǵyraq ustaǵanda onyń nátıjesi de kózge kórinerlikteı. Al shyndyǵyna kelgende, dıeta nátıjeleriniń arasynda aıtarlyqtaı erekshelik joq, dep habarlady Myjane portaly.
Melbýrn ýnıversıtetiniń ǵalymdary bul tájirıbege eki júzden astam adamdy tartqan. Olarǵa ár túrli dıetalar qoldanyldy. Eriktiler belgili bir nátıjege qol jetkizgen, alaıda olar qaıtadan artyq salmaq qosqan.
Qysqa ýaqytqa arnalǵan dıetadan keıin salmaq qaıtadan tez ornyna kelgen. Uzaq emdámnen keıin salmaqty azyraq qosqan. Alaıda qol jetkizgen nátıjeni eshqaısysy saqtap qala almaǵan.
