Ǵalymdar Ekvadordan tabylǵan boıy 2, 43 metrge jetetin alyp adamdardyń qańqalaryn zerttep jatyr
ASTANA. QazAqparat - Ekvador men Perýde tabylǵan alyp adamdardyń qańqalary Germanııaǵa saraptamaǵa jiberildi. Ǵalymdar bul zertteýdiń alyp súıekterdiń qupııasyn ashýǵa kómektesetinine úmittenip otyr, dep jazady epochtimes.ru.
Boıy 2, 43 metrge jetetin alyp alty adamnyń qańqalary 2013 jyly tabylǵan bolatyn. Ǵalymdar olardyń jasy shamamen 600 jyldy quraıdy dep esepteıdi. Aldyn ala boljam boıynsha, alyptar 1400-shi jyldardyń basynan 1500-shi jyldardyń ortasyna deıin Amazonkanyń jaǵalaýyn mekendegen. Zertteýshilerdiń pikirinshe, amazonkalyq ormandar boıy óte bıik adamdardyń buǵan deıin belgisiz násilin jasyrǵan.
Adamdardyń deneleri japyraqtarǵa oralyp, balshyqtyń qalyń qabatyna jerlengen, bul olardyń saqtalyp qalýyn qamtamasyz etken. Tasqyn kezinde qańqalardyń biri sý betine qalqyp shyqqan. Osy jerde qazba jumystaryn bastaǵan arheologtar qalǵan bes qańqany tapty.
