Ǵalymdar Ekvadorda sútqorektiniń jańa túrin anyqtady
ASTANA. 16 tamyz. QazAqparat - Amerıkalyq ǵalymdar sútqorektiniń jańa túrin anyqtady. Bir ǵasyrdan astam ýaqyt boıy ony qatelesip oǵan uqsas olıngo retinde tanyp kelgen, dep habarlady RBK.
Zertteýshiler janýardyń tisterin, bas súıegin jáne terisin zerttep, atalǵan túrdiń óte sırek kezdesetinin anyqtady, dep habaralady Bı-Bı-Sı.
Sońǵy ret sútqorektini 2006 jyly jabaıy tabıǵat aıasynan baıqaǵan. Keıin ǵalymdar Chıkago ýnıversıtetinde olıngonyń tutas etin zertteýge kirisip, eksponattardyń ishinde basqa da osy túrge uqsamaıtyndary bar ekenin anyqtaǵan. Osylaısha, zertteýshiler jańa tirshilik ıesin anyqtady.
Janattyń (enot) kólemindeı janýardyń tumsyǵy qonjyqqa uqsas, oǵan olıngıto degen at qoıǵan (ǵylymı ataýy - Bassaricyon neblina). Sútqorekti Ekvador men Kolýmbııanyń taýlaryn mekendeıdi. Bul - sońǵy 35 jyl ishinde tabylǵan et qorekti janýardyń birinshisi.
Sútqorektini tabıǵat aıasynan keziktirý óte qıyn. Ol aǵashtyń ushar basynda 30 metr bıiktikte ómir súredi jáne kózge túspeýge tyrysady.
