Ǵalymdar «Eki kapıtan» ekspedıtsııasy músheleri kúndeliginiń bir bóligin tapty
ASTANA. Tamyzdyń 2-si. QazAqparat - Georgıı Brýsılovtyń budan 100 jylǵa taıaý ýaqyt buryn joǵalyp ketken arktıkalyq ekspedıtsııasyn izdeýge attanǵan reseılik ǵalymdar onyń bir qatysýshysynyń kúndeligi paraǵyn tapty. Bul týraly búgin zertteýshilerdiń biri málim etti, dep habarlady reseılik «Jańalyqtar» agenttigi.
«Paraqtaǵy úzindiler oqylady, onda «Áýlıe Anna» kemesindegi turmys jaıy baıandalady», - dedi zertteýshi jýrnalısterge. Ǵalym top izdestirý jumystaryn jalǵastyratynyn aıtqan, alaıda aýa raıy buzylýyna baılanysty olar muzdyq arqyly jaıaý júrýge májbúr boldy.
Esterińizge sala keteıik, 1912 jyly Sankt-Peterbordan Georgıı Brýsılovtyń ekspedıtsııasy «Áýlıe Anna» shhýnasymen saparǵa attandy, onyń tarıhy Venıamın Kaverınniń ataqty «Eki kapıtan» kitaby arqyly belgili boldy. Korabldiń jáne ekıpaj músheleriniń bir bóliginiń taǵdyry osy kúnge deıin belgisiz bolyp qalyp otyr. Shhýnadan ketip, úlken jerge baǵyt alǵan 11 adamnyń ekeýi: shtýrman Valerıan Albanov pen matros Aleksandr Konrad tiri qaldy. Bul adamdardyń taǵdyry 1917 jyly jarııalanǵan Albanovtyń kúndeligi arqyly belgili boldy.
