Ǵalymdar egde jastaǵy adamdardyń densaýlyǵyn qalaı jaqsartýǵa bolatynyn anyqtady
ASTANA. QazAqparat - Ońtústik Kalıfornııa ýnıversıtetiniń zertteýshileri qosymsha tabys damyp jatqan elderde turatyn egde jastaǵy kedeı adamdardyń densaýlyǵy men materıaldyq jaǵdaıyn aıtarlyqtaı jaqsarta alatynyn joldy anyqtady, dep jazady sheteldik BAQ.
Zertteýge Meksıkadaǵy ıÝkatan jartylaı aralyndaǵy eki qalanyń jasy 70-ten asqan 2474 turǵyny qatysty, dep baıandaıdy Prothom Alo.
Motýl qalasynyń turǵyndary qosymsha tabys almady, al Valıadolıdte turatyn adamdarǵa aıyna shamamen 67 dollar aqsha tólengen. Bul qatysýshylardyń ortasha tabys deńgeıin shamamen 44 paıyzǵa kóbeıtken. Turmysy nashar adamdar alǵan aqshany dárigerge kórinýge, dári-dármek jáne azyq-túlikti satyp alýǵa jumsaǵan.
Alty aıdan keıin Valıadolıdtegi eriktilerdiń ýaqytsha jáne uzaqmerzimdik jady, sondaı-aq tynys alý júıesiniń jaǵdaıy aıtarlyqtaı jaqsara tústi. Qosymsha tabystyń arqasynda qatysýshylar dárigerge baryp, qajetti dárilerin satyp aldy. Osylaısha, shaǵyn materıaldyq kómek qart adamdardyń densaýlyǵy úshin óte paıdaly ekeni belgili boldy.
