Ǵalymdar dońyzdyń uıqy bezin adamǵa sátti ornalastyrdy
ASTANA. QazAqparat - Ortalyq Ońtústik Ýnıversıtetindegi qytaılyq ǵalymdar Sıdneı ýnıversıtetiniń (Avstralııa) zertteý tobymen birlesip sýsamyrmen aýyratyn naýqasqa dońyzdyń uıqy bezin sátti ornalastyra alǵanyn habarlady.
Ota 2013 jylǵy shildeden 2016 jylǵy aqpan aralyǵy kezeńinde jasaldy. Qazir ony sátti ótti dep aıtýǵa bolady. Bir jaǵdaıda ınsýlındi paıdalanýǵa qajettilik 80,5 paıyzǵa azaıdy. Taǵy eki naýqastyń da densaýlyǵy jaqsardy. Olarda ınsýlın mólsherin 57 paıyz, tıisinshe 56 paıyzǵa tómendete aldy.
Bul otalar donor aǵazlardyń tapshylyǵyn joıýǵa baǵyttalǵan baǵdarlamany iske asyrý aıasynda júrgizildi. Janýarlardyń aǵzasyn transplantatsııalaýǵa paıdalaný týraly aıtylyp kele jatqanyna kóp boldy. Ázirge ǵalymdar dońyz organdaryn maımylǵa ornalastyryp baıqap kórýde. Qazir dońyzdan alynǵan donor júrekpen eki jyl ómir súrip jatqan maımyl bar. Revivcor kompanııasy maımylǵa dońyz ókpesin ornalastyrýǵa ázirlenip jatqanyn habarlady, dep jazdy «Mednovostı» portaly.
