Ǵalymdar donorlyqtyń densaýlyq úshin paıdaly ekendigin dáleldedi
ASTANA. QazAqparat - Qan donory bolý densaýlyq úshin paıdaly. Bul faktini kezekti ret ǵalymdar 43 pen 61 jas aralyǵyndaǵy 2,5 myń adamǵa júrgizilgen zertteýden keıin dáleldedi.
Mamandar qan tapsyrý ımmmýnıtetti kúsheıtip, qan jasýshalarynyń regeneratsııa jyldamdyǵyn arttyryp, aǵzanyń ınfektsııalarǵa degen qarsylyǵyn kúsheıtedi degen sheshimge kelgen. Sonymen birge, donorlardyń júrek-qan tamyrlary aýrýlary, ınsýlt, mıokard ınfarkti sııaqty dertterge shaldyǵý qaýpi tómen.
«Sarapshylar anyqtalǵan faktilerdi donorlyq kezinde qannyń ózdiginen tazaratyndyǵymen túsindiredi. Al bul júrek-qan tamyrlary aýrýlary, asqazan men ishek, ımmýndyq júıeniń, baýyr dertteriniń aldyn alýda taptyrmas ádis. Donorlyq kezinde aǵza qan azaıýy múmkin jaǵdaıdyń aldyndaǵy daıyndyqtan ótedi. Sondyqtan donorlardyń eshqashan qan tapsyrmaǵandardan góri aman qalýǵa múmkindikteri kóp», dep habarlady Rosbalt.
