Ǵalymdar dınozavrlardyń jer betinen joıylýynyń jańa sebebin anyqtady
ASTANA. QazAqparat - "Buryn Jerde ómir súrgen bıologııalyq aǵzalardyń kóbi qazirgi tabıǵı jaǵdaıda Jerde ómir súre almas edi", - dep TASS agenttigine gıpoteza avtorlarynyń biri, RǴA QShB teńiz bıologııasy ınstıtýtynyń bas ǵylymı qyzmetkeri Anatolıı Drozdov málimdedi.
Ǵalym paleontologııalyq faktilerdi túsindirý úshin dınozavrlardyń qyrylý sebebi týraly óz gıpotezasyn usyndy. 150 mln. jylda qurlyqta mekendegen 11 iri janýar evolıýtsııasy týraly paleontologııalyq málimetterdi saraptaǵan olar alyp dınozavrlar Jerdiń tartylys kúshi áldeqaıda az bolǵan kezde ómir súrgenin anyqtady. 150 mln jylda jer tartylysy 2,079 esege ulǵaıdy.
Ǵalymdardyń pikirinshe, mundaı ózgeristerge shaǵyn meteorıtter men ǵarysh tozańy túsýi saldarynan Jer salmaǵynyń artýy sebep bolǵan. "Bul úrdis Kún júıesi juldyzaralyq ǵarysh shańynyń tyǵyz bultyna 150-200 mln jyl buryn kez bolýy saldarynan bolýy múmkin. Úrdis birtindep, ondaǵan mıllıon jyl qatarynan júzege asqan. Alaıda 60-100 mln jyl buryn údeı túsip, aýyrlyq kúshiniń ózgerýine jáne alyp janýarlardyń qyrylýyna ákeldi", - dedi Anatolıı Drozdov.
