Ǵalymdar din ustanatyndardyń densaýlyǵy myqty bolatynyn anyqtady
ASTANA. 28 tamyz. QazAqparat - Belgili bir nanym-senimdi ustanatyn adamdardyń densaýlyǵy ateısterge qaraǵanda jaqsyraq bolady.
Amerıkanyń Mıssýrı ýnıversıtetiniń ǵalymdary birneshe zertteý júrgizip, psıhıka men rýhanılyq arasynda baılanys baryn anyqtady. Bul týraly Astanadaǵy Áziret Sultan meshitiniń resmı muslim.kz saıty jazyp otyr.
Ǵalymdardyń zertteýine býdda, ıýdaızm, musylman, katolık jáne protestantızm dini ókilderi qatysqan. Zertteýdiń nátıjesinde adamdardyń rýhanılyq deńgeıi qanshalyqty joǵary bolsa, onyń psıhıkalyq jaı-kúıiniń de sonshalyqty jaqsy bolatynyna kóz jetken. Professor Den Koenniń aıtýynsha, dinı senim keıbir adamdardyń qaterli isik, júrek talmasy, julyn-mı jaraqaty sııaqty aýrýlardan aıyǵyp ketýine kómektesken. Munymen qosa kóppen birge dinı birlestikke múshe bolý da adamǵa aıtarlyqtaı kúsh beredi eken. Ǵalymnyń sózine qaraǵanda, mundaı sezim emotsııalyq turaqsyzdyq pen túńilý deńgeıin tómendetedi. Dinı aǵymǵa erý sonymen qatar adamnyń menmenshildigin joıyp, keńpeıildigin arttyratyn kórinedi. Amerıkandyq ǵalymdar óz zertteýin adamdy nanym-senimmen emdeýge bolady dep tujyrymdap otyr.
