Ǵalymdar: Depressııaǵa beıim naýqastardyń omyrtqasy jıi aýyrady
ASTANA. QazAqparat - Avstralııanyń bir top ǵalymy kúızeliske ushyraıtyn adamdardyń arqa omyrtqasy jıi aýyratynyn anyqtady. Zertteý jumystarynyń nátıjesine súıensek, adamnyń psıhologııalyq jaǵdaıy onyń omyrtqasynyń saýlyǵyna tikeleı áser etedi-mys.
Mamandar stress pen depressııaǵa jıi ushyraıtyn 23 myń adam arasynda saýalnama júrgizgen. Nátıjesinde olardyń 60 paıyzynyń omyrtqasy aýyratyny anyqtalǵan. Ǵalymdar muny az qımyl men uıqysyz túnderdiń áseri dep túsindirýde. Bul týraly vistanews.ru-ǵa siltememen 24.kz habarlaıdy.
