Ǵalymdar: Dene shynyqtyrý jattyǵýlary jatyrdyń qaterli isiginiń aldyn alady
ASTANA. 12 qyrkúıek. QazAqparat - Dene shynyqtyrý, durys dıeta jáne kofeni paıdalaný esebinen jatyr obyrynyń paıda bolýy táýekelin azaıtýǵa bolady. Bul týraly Ulybrıtanııada júrgizilgen zertteýde habarlandy, dep jazady Bt-Bı-Sı.
Osy málimetterge qaraǵanda, Brıtanııada jatyrdyń qaterli isigi jaǵdaıynyń jartysynan salaýatty ómir saltyn ustaný arqyly aldyn alýǵa bolady degen tujyrym bar. Atalǵan elde jylyna bul indetpen syrqatty bolýdyń shamamen jańadan 3700 oqıǵasy tirkeledi eken.
Londondaǵy Koroldik kolledj ǵalymdarynyń pikirinshe, áıelder kún saıyn 30 mınýtyn dene shynyqtyrý jattyǵýlaryna arnap, artyq salmaq qospasa, onda qaterli derttiń paıda bolýy múmkindigin azaıtýy yqtımal.
Sonymen qatar jatyr obyrynyń paıda bolýy táýekelin tómendetetin faktorlardyń ishinde kofeni paıdalaný da áser etedi degen aıtylǵan. Alaıda, sarapshylar qazirgi kezde indetten qorǵaný turǵysynda kofeni usyný negiziniń dáıektiligi jetkiliksiz ekenin alǵa tartýda.
