Ǵalymdar: Dene belsendiligi balalardyń mıynyń jumysyn jaqsartady
ASTANA. QazAqparat - Lora Cheddok-Heıman jetekshiligimen ǵalymdar toby júrgizgen zertteý aıasynda Ýrbana-Shampeınedegi Illınoı ýnıversıtetiniń qyzmetkerleri fızıkalyq turǵyda neǵurlym belsendi balalardyń belsendiligi tómen qatarlastaryna qaraǵanda, bas mıynda aq zat mólsheri artyq bolatynyn anyqtaǵan.
Aq zat kólemi kóp mı ýchaskesi este saqtaý, kóńil bólý qabiletterine jaýap berip, mıdyń ár bóligimen baılanys qurýda negizgi ról atqarady.
Bul zertteý balalardyń fızıkalyq belsendiligi men olardyń mıyndaǵy aq zattyń qasıeti arasyndaǵy baılanysty dáleldegen alǵashqy zertteý boldy, dep habarlady "InoSMI". Zertteý esteý saqtaý qabiletine jaýap beretin gıppokamp sııaqty mıdaǵy jeke qurylymdardy zerdeleýge, fızıkalyq jattyǵýlardyń olardyń mólsheri men kólemine qalaı áser etetinin baıqaýǵa arnaldy. Zertteý nátıjesi fızıkalyq belsendilik balalardyń mı belsendiligin qoldaýda, bilimge qabiletin arttyrýda mańyzdy bolyp tabylatynyn kórsetti. Dene shynyqtyrý sabaqtary men úlken úzilis balalardyń sabaq úlgerimine oń áser etýi múmkin.
