Ǵalymdar demikpeniń bala kóterýge qalaı áser etetinin anyqtady
ASTANA. 14 qarasha. QazAqparat - Danııalyq medıtsına qyzmetkerleriniń zertteýine qaraǵanda, demikpemen aýyratyn áıelderge bala kóterý úshin kóbirek ýaqyt kerek eken. Bul týraly Bı-Bı-Sı jazady.
Atap aıtqanda, tıisti zertteý jumystary barysynda áıel jynysty 15 myń egizder arasynda saýalnama júrgizilip, onyń bir myńy demikpemen aýyrǵan kórinedi. Bundaı tujyrym jasaýǵa osy dertke shaldyqqandardy zertteý barysy sebep boldy. Belgili bolǵandaı, demikpesi bar áıelderdiń úshten birinde bala kóterý turǵysynda problemalar bolǵan eken. Sonymen qatar bul dertti emdemegender arasynda atalǵan problemalar kúrdelene túsken kórinedi. Ǵalymdardyń paıymyna sensek, atalǵan máselege aýrýdyń isiný effektisi keri áser etip otyrǵan ispetti.
