Ǵalymdar: demalys kúnderi uzaǵyraq uıyqtaý densaýlyqqa paıdaly
ASTANA. QazAqparat - Zertteýshiler demalys kúndergi eki túndegi uzaq uıqy paıdaly dep otyr, óıtkeni qalǵan jumys kúnderi durys qanbaı qalǵan uıqynyń saldarynan paıda bolatyn qant dıabetiniń ekinshi túriniń qaýipin azaıtady.
Zertteýge deni saý 19 jas adam tańdap alynǵan. Birinshi topqa 4 tún boıy segiz saǵattan uıyqtaýǵa ruqsat etilgen. Ekinshi toptaǵylarǵa 4 kún qatarynan 4,5 saǵat qana uıyqtaýǵa múmkindik berilgen. Keıin olarǵa eki kún qatarynan 10 saǵattan uıyqtaýǵa ruqsat etilipti. Budan soń zertteýshiler tájirıbege qatysqandardyń ınsýlınge sezimtaldyǵyn teksergen.
Tórt kún qatarynan uıqylary qanbaǵandardyń dıabetke shaldyǵý qateri 16 paıyzǵa ósken. Alaıda olar taǵy da eki kún uıqylaryn qandyrǵan soń ınsýlınge sezimtaldyqtary burynǵy qalpyna kelgen. Zertteý júrgizgender demalys kúngi uzaq uıqy densaýlyqqa paıdaly jáne sýsamyrdan saqtandyrady degen qorytyndy jasaǵan.
