Ǵalymdar Býdda músininiń ishinen adam súıegin tapty
ASTANA. QazAqparat - Nıderlandyq ǵalymdar XI-XII ǵasyrlarǵa jatatyn býdda músininiń ishinen sopynyń mýmııasyn tapty, dep jazady Rosbalt.
Drente (Assen) tarıhı murajaıynyń qyzmetkerleri Amersfort qalasyndaǵy bas aýrýhanamen birlese jumys istedi. Dárigerler músinsheni kompıýterlik tomografııamen tekserý barysynda onyń ishinen shirimeý úshin balzamdap tastaǵan adam múrdesi tabyldy. Býddolog Erık Breınniń pikirinshe, dene chan-býddızm mektebiniń ókili sheber Lıýtsıýanǵa tıesili.
Múrdeniń qursaq jáne tós qýysyn teksergen amersforttyq gastroenterolog onyń ishki aǵzalarynyń ornyna qytaı qarpimen jazba bar qaǵaz salynǵany jáne qoqystarmen toltyrylǵanyn anyqtady. Osylaısha, ony qatyrmas buryn ishki aǵzalaryn alyp tastaǵan. Kóptegen býddıster Lıýtsıýan gýrý ólmegenine, onyń medıtatsııanyń bıik dárejesine aýysqanyna senimdi.
Qytaı qarpimen jazylǵan mátin Lıýtsıýan týraly monografııaǵa engiziledi. Ýnıversıtet ony basyp shyǵarýǵa ázirlik ústinde. Mýmııamen músin Býdapeshtke jetkizildi, 2015 jylǵy mamyrda ol Vengrııanyń Tarıh murajaıynda kórsetiletin bolady.
