Ǵalymdar: bóten adamdarmen aralasý kóńil kúıge jaqsy áser etedi
ASTANA. QazAqparat - Chıkago ýnıversıtetiniń ǵalymdary bóten adamdarmen aralasý adamdy baqyt sezimine bóleıdi degen tujyrymǵa keldi. Bul týraly amerıkandyq psıhologııalyq qaýymdastyq saıtynda habarlandy.
Ǵalymdar tanymaıtyn adamdarmen aralasý bizdiń ómirimizge qalaı áser etetinine eksperıment júrgizdi. Olar únemi avtobýstarda, poıyzdarda júretin adamdardan jandaryndaǵy jolserikterimen áńgime-dúken qurýdy, áńgimelerin jarastyrýǵa tyrysýdy nemese eshkimmen sóılespeı tomaǵa-tuıyq otyrýdy ótinedi, dep jazady «Vokrýg sveta».
Janyndaǵy tanymaıtyn adamdarmen áńgimelesken adamdar sapar kóńildi ótkenin, ózderine unaǵanyn aıtqan, aldynda olardyń keıbiri áýelde eshkimmen sóılespegen durys ekenine senimdi bolǵan. Nátıje kerisinshe bolǵanyna ózderi de tańǵalǵan.
Sóıtip, ǵalymdar mynadaı tujyrym jasady: adamdar biz oılaǵannan góri áleýmetshil bolyp shyqty. Eske túsirsek, birneshe jyl buryn adamdarǵa júrgizilgen áleýmettik saýalnamada baqytsyzdyqty seziný máselesinde reseılikter jalǵyzdyqty úshinshi orynǵa qoıǵan bolatyn. Birinshi orynda aqshanyń jetispeýin, ekinshi orynǵa qartaıý men aýrýdy ataǵan.
