Ǵalymdar boks aralas jekpe-jekke qaraǵanda qaýiptirek dep atady
ASTANA. QazAqparat - Kanadalyq ǵalymdar boks aralas jekpe-jekke qaraǵanda, qaýiptirek ekenin anyqtady. Zertteý Clinical Journal of Sports Medicine jýrnalynda jarııalandy, sondaı-aq, Albert ýnıversıtetiniń saıtynda bul týraly qysqasha habarlandy.
Zertteýshiler 2003-2013 jyldar aralyǵynda sportpen belsendi aılanysatyn 1181 sportshynnyń densaýlyǵyn baqylaǵan. Olardyń ishinde boksshylar da, aralas jekpe-jek jaqtaýshylary da boldy. Zertteýshiler boksshylar aıqas ýaqytynda 49,8 paıyz, al aralas jekpe-jek qatysýshylary - 59,4 paıyz jaraqat alatynyn anyqtady. Biraq, aralas jepe-jekke qatysýshylardyń alǵan jaraqatynan tolyq em alýǵa bolady. Olar sharshy alańda qanǵa kóp «boıalǵanymen», kóbine jeńil jara bolyp keledi. Al boksshylardyń jaraqatynan mı shaıqalady nemese kózi kórmeı qalýy múmkin. Zertteýshiler osy tujyrymdy eskerip, jekpe-jek qatysýshylary arasynda jaraqat alýdy tómendetýge tyrysý qajettigin málimdedi.
