Ǵalymdar bir jyl saqtaýǵa bolatyn jasandy qan oılap tapty
ASTANA. QazAqparat - Vashıngton ýnıversıtetiniń ǵalymdary dene tinine ottegi bere alatyn jasandy qan jasap shyǵardy, bul qandy untaq túrinde saqtaýǵa bolady, dep habarlaıdy sheteldik BAQ.
Amerıkalyq zertteýshiler ókpege ottegi jınap, kúlli aǵzaǵa jetkizetin qannyń jasandy qyzyl jasýshalaryn jasap shyǵardy. Bul jasandy qandy keptirip, qatyryp qoıýǵa bolady. Jedel járdem brıgadasynda saqtaý men tasymaldaý úshin qolaıly. Bul syǵyndyny qajet bolǵanda, jyldam suıyqtyqqa aınaldyrýǵa bolady.
Tehnologııany jasaýshylar keptirilgen qan qyzyl buryshty eske salatynyn atap ótedi. Ony tamyrishilik ekpe úshin arnaıy ydystarda saqtaýǵa bolady. Ony saqtaý merzimi 1 jyldan asýy múmkin. Qajet bolǵan jaǵdaıda ydysqa tıisti mólsherde zararsyzdandyrylǵan sýdy quısa, eritindi tolyqtaı ázir bolady.
