Ǵalymdar: Bilim alý densaýlyq úshin paıdaly
ASTANA. QazAqparat - Ǵalymdar Fınlıandııada 3 pen 18 jas aralyǵyndaǵy 3596 adamnyń densaýlyǵyn teksergen. Mamandar 1980-2007 jyldar aralyǵynda ótkizilgen zertteýlerdiń málimetterin taldap shyqty.
Eriktiler ómir salty, áleýmettik qoldaý, ózin-ózi baǵalaý jáne eńbek jaǵdaılary týraly suraqtarǵa jaýap berdi. Árbir qatysýshy úsh ret (1986, 1989 jáne 2001 jyldary) suralǵan, dep jazady Zee News.
Ǵalymdar balanyń neǵurlym uzaq bilim alsa, soǵurlym ózin bolashaqta jaqsy sezingenin anyqtady. Bilim alýda nebári bir jyl aıyrmashylyq densaýlyqtyń sýbektıvti jaǵdaıyn 16 paıyzǵa arttyrdy. Tereńirek bilim alǵan qatysýshylar ózderiniń densaýlyǵyn myqty dep eseptegen. Mamandar zertteý qorytyndysyna áser etýi múmkin faktorlardy esepke aldy. Zertteýshiler densaýlyq jaǵdaıynda problemalary bar balalar jaqsy bilim alýy tıis ekenin atap ótedi.
Osyǵan deıin mamandar taǵy bir zertteýinde bilimniń azdyǵy ómir uzaqtyǵyna da áser etetinin anyqtaǵan bolatyn. Sarapshylar jaqsy bilimdi odan da joǵary tabys jáne áleýmettik statýs, kognıtıvtik damý, medıtsınalyq kómektiń odan da jaqsy qoljetimdiligimen baılanystyryp otyr.
