Ǵalymdar bezeýdiń neden paıda bolatynyn anyqtady
ASTANA. 6 qyrkúıek. QazAqparat - Irlandııa ulttyq ýnıversıtetiniń ǵalymdary qyzǵylt bezeýdiń neden paıda bolatynyn anyqtady.
Bárine kináli teri maıymen qorektenetin demodeks kenesiniń bakterııalary eken. Bul týraly «Alash aınasy» gazeti jazady.
Mamandar qyzǵylt bezeýdiń, negizinen, terisinde demodeks keneshikteri kóp kezdesetin adamdardyń aýrýy ekenine kóz jetkizdi. Zertteý tobynyń jetekshisi Kevın Kvanaghtyń aıtýynsha, mundaı usaq jándikter qorekti qoryta almaı, olardy únemi tasymaldaýmen bolady da, sonyń saldarynan Bacillus oleronius bakterııasyn týǵyzady.
Osy mıkroaǵzanyń áserinen kóbine bet, mańdaı, muryn terisiniń asty qabynady. Adamdar bezeýge qarsy qansha antıbıotık qoldanǵanymen, odan qutylý ońaı emes. Munyń sebebi antıbıotıkter bakterııalardy óltirgenimen, demodeks kenesiniń ózin joıa almaıdy. Endi jańa zertteýdiń nátıjesinde farmatsevtıkalyq kompanııalar sol zııankesterge qarsy dári-dármek shyǵarýdy uıǵaryp otyr.
