Ǵalymdar: baılar allergııaǵa jıi shaldyǵady
ASTANA. 3 mamyr. QazAqparat - Dáýletti otbasylardaǵy jasóspirimder kedeıshilikte ómir súrip jatqan qatarlastaryna qaraǵanda túrli allergııalarǵa kóbirek shaldyǵady. Bul jaıynda amerıkalyq ǵalymdar málimdep otyr.
VVS-diń jazýynsha, densaýlyq salasyndaǵy Ulttyq statıstıka ortalyǵy zertteýshileriniń esebi boıynsha, sońǵy onjyldyqta AQSh-ta allergııadan zardap shekken adamdar sany artyp otyr. Azyq-túlik ónimderine qatysty tirkelgen allergııalyq oqıǵalar 50 paıyzǵa, al allergııalyq qyshymanyń zardabyn tartqandar 69 paıyzǵa ósken kórinedi.
Ǵalamdardyń atap ótýinshe, dáýletti jasóspirimder arasynda allergııaǵa shaldyqqandardyń sany aıtarlyqtaı joǵary. Sonymen qatar ımmıgranttardyń balalary buǵan sırek shaldyǵatyn kórinedi.
Zertteý avtorlary allergııanyń árqalaı taralýyna bir maǵynaly túsinik bermeı otyr.
