Ǵalymdar: Baý-baqshada jumys isteý ómirdi uzartady
ASTANA. QazAqparat - Baý-baqshada jumys isteý adam ómiriniń uzaqtyǵyna oń yqpal etedi, dep jazady https://informing.ru The Daily Mail basylymyna silteme jasap.
Birneshe jyl boıy 108 myń áıeldi zerttegen Garvard ýnıversıtetiniń qyzmetkerleri osyndaı pikirge keldi.
Bul aýqymdy saýaldama nátıjeleri baý-baqshada jumys jasaý adamnyń ózin sezinýin jaqsartatynyn jáne adam ómirin uzartatynyn kórsetti. Jerdi shuqylaýǵa erinbeıtin adamdarda ólim deńgeıi megapolısterde turatyndardan 12 paıyz tómen.
Doktor Pıter Djeımstyń aıtýynsha, alynǵan statıstıka ǵalymdardy tańdandyrdy. Olar ósimdikke súıispenshilik pen ómir uzaqtyǵynyń arasynda osyndaı baılanys bar dep oılamaǵan bolatyn. Baqshada jumys isteý, dene jaǵynan da, adamnyń psıhologııalyq jaı-kúıi jaǵynan da oń áser etetin bolyp shyqty.
Ǵalymdardyń aıtýynsha, adamǵa salmaq túsiretin megapolısterde qaýipti tynys joldary aýrýlary 13 paıyz joǵary jáne qaterli isikten kóz jumý múmkindigi 34 paıyz kóp.
