Ǵalymdar: Batys elderi jelidegi ekstremızmmen kúreste jeńilis tabýda

ASTANA. QazAqparat - Ǵalymdar Ulybrıtanııa jáne Batystyń basqa da birqatar memleketteri jelidegi ekstremızmmen kúreste artta qalyp keledi dep sanaıdy. Bul týraly Bı-bı-sı jazady.

Digitalis saraptamalyq kompanııasynyń Din jáne geopolıtıka ortalyǵynyń sarapshylary ekstremıstik mazmundaǵy kontent jelide kún saıyn artyp kele jatqanyn anyqtaǵan.

Ǵalymdar Ulybrıtanııanyń jelide ekstremızmdi nasıhattaıtyn málimettermen kúresi jalpy osy saryndy kontenttiń tek 5 paıyzyn ǵana qamtyǵanyn aıtady.

Máselen, adamdar ınternetten «kápir» nemese «dinge senbeıtin adam» dep izdese, olar mindetti túrde zorlyq-zombylyqty ashyq sıpattamasa da, soǵan bastaıtyn «jeńil-jelpi» kontentke tap bolady.

Odan bólek izdeý kezinde demokratııalyq júıeni qulatyp, halıfat qurýǵa shaqyratyn aqparattar da jıi kezdesedi. Budan keıingi satyda oqyrman odan da qatygez, musylman emes adamdardy óltirýge shaqyratyn aqparattarǵa tap bolady.

Mamandardyń pikirinshe, adamdar tek áleýmettik jelilerde ǵana radıkaldanbaıtyn bolǵan. Buǵan deıin osylaı sanalyp kelse, qazir bul úrdis ǵalamtordan aqparat izdeý barysynda da júzege asady.