Ǵalymdar: baspaldaqpen júrý mıdyń qartaıýyn báseńdetedi
ASTANA. QazAqparat - Jańa zertteý kórsetkendeı, baspaldaqpen júrý mıdyń saýlyǵyn arttyrady, dep jazady planet-today.ru.
Neurobiology of Aging jýrnalynda jarııalanǵan zertteýde adam neǵurlym baspaldaqpen kóp júrse, onyń mıy soǵurlym jasara túsedi dep jazylǵan. Monrealdaǵy (Kanada) Konkordııa ýnıversıtetiniń jetekshi zertteýshisi Djeıson Steffener men onyń áriptesteri 19 jáne 79 jas aralyǵyndaǵy 331 deni saý adamnyń mıyn zertteý úshin magnıtti-rezonansty tomografııany (MRT) paıdalandy.
Olar qatysýshylardyń mıyndaǵy kúkirt mólsherin ólshedi. Óıtkeni onyń tómendeýi - qartaıý úderisiniń belgisi. Keıin olar qatysýshylardyń mı kólemi men olardyń qansha ýaqyt bilim alǵanyn jáne baspaldaqpen qanshalyqty kóp júrgeniniń araqatynasyn eseptep shyqqan. Osylaısha, adam baspaldaq arqyly neǵurlym kóp kóterilse, onyń mıy soǵurlym «jasaratyny» belgili bolǵan.
