Ǵalymdar: balyq maıy balanyń uıqysyn jaqsartady
ASTANA. QazAqparat - Oksford ýnıversıteti zertteýshileriniń málimdeýinshe, balyq maıynyń kapsýlasyn paıdalaný arqyly balalardyń uıqysynyń sapasyn arttyrýǵa bolady.
Ǵalymdar bastaýysh mektepte oqıtyn 7-9 jas aralyǵyndaǵy 352 balaǵa zertteý júrgizgen. Osy tájirıbe aıasynda órenderdiń ata-analary toltyrǵan anketalarǵa qaraǵanda, 10 balanyń tórteýinde uıqysyzdyq belgileri tirkelgen. Zertteý barysynda balalardyń bir bóligine balyq maıy, al qalǵandaryna platsebo (aldamshy dárilik zat) berilip otyrǵan.
Atap aıtqanda, kún saıyn balyq maıynyń kapsýlasyn qabyldap júrgen jetkinshekter 58 mınýtqa artyq uıyqtap, platsebo qabyldaǵandarǵa qaraǵanda tún ortasynda jeti ese kem oıanǵan, dep habarlaıdy MIGnews.
Osy oraıda ǵalymdar balalar men eresekterge aptasyna kem degende eki márte balyq jeý kerektigi týraly keńes berdi.
Budan buryn Norvegııanyń teńiz ónimderin zertteý ulttyq ınstıtýtynyń ǵalymdary júkti áıelderdiń maıly balyqty paıdalanýy náresteniń aqyl-oı dárejesin 5 ballǵa deıin arttyratynyn anyqtaǵan edi.
