Ǵalymdar: Balalary bar áıelder balasy joqtarǵa qaraǵanda uzaǵyraq ómir súredi
ASTANA. QazAqparat - Brıtandyq ǵalymdar balalary bar áıelderdiń balasy joqtarǵa qaraǵanda 20 paıyz uzaq ómir súretinin anyqtady. Zertteýshiler birneshe júzdegen myń áıeldiń qatysýymen zertteý júrgizdi. Monıtorıngti Londonnyń Imperatorlyq kolledji jasaǵan.
Zertteý protsesinde monıtorıngtiń alǵashqy 13 jylynda 14 383 áıel qaıtys bolǵan. Aýrý saldarynan 2400 adam, obyrdan - 6 myńǵa jýyq adam kóz jumdy. Eki nemese úsh balanyń dúnıege kelýi obyr aýrýyna shaldyǵý qaýpin tómendetedi. 20 jastaǵy qyzdardyń balaly bolýy olardyń densaýlyǵyna oń áserin tıgizedi.
Balany emizetin áıelderdiń jasandy sút qospalaryn paıdalanatyn analarǵa qaraǵanda ólim qaýpi 8 paıyzǵa tómen. Buǵan deıin ǵalymdar bala emizýdiń omyraý obyryna shaldyǵý qaýpin tómendetetinin dáleldegen bolatyn.
Ǵalymdar bala týǵan áıelderdiń boıyndaǵy gormonaldyq ózgerister olardyń uzaq jasaýyna ákelgenin shamalap otyr. Analardyń densaýlyǵy jaqsaryp, qaterli isikterdiń paıda bolý qaýpi tómendeıdi. Zertteý qorytyndysynyń mundaı bolatyny kútilmegen edi, sebebi kishkentaı balanyń dúnıege kelýi kezinde analardyń boıynda úlken kúızelis pen qorqynysh sezimi paıda bolady, dep jazady sheteldik BAQ.
