Ǵalymdar balalarǵa eń zııandy taǵamdardy aıtyp berdi
ASTANA. QazAqparat - Sıngapýrlyq mamandar AQSh ǵalymdarymen birlese otyryp, bolashaq urpaq úshin eń zııandy taǵamdy anyqtaý maqsatynda arnaıy zertteý júrgizdi, dep habarlaıdy planet-today.ru.
Zertteý barysynda belgili bolǵandaı, balalarǵa jedel daıarlanatyn taǵamdar, sonyń ishinde qýyrylǵan taýyq, kartofel frı, chızbýrger, chıpsy jáne basqa da osy tektes taǵamdar óte zııandy ekeni anyqtaldy. Oǵan qosa quramynda táttiligi joǵary kámpıt, shokoladtardy da mólshermen berý kerek.
Statıstıkalyq málimetterge súıensek, artyq salmaq bitken jasóspirimder qatary jyl sanap artyp keledi. Máselen, ádettegi chıpsy men úıde pisirilgen kartop bir nárseden jasalǵanymen, olardyń quramynyń aıyrmashylyǵy jer men kókteı. Chıpsy quramynda kalorııa kóp bolady, alaıda onyń adam aǵzasyna esh paıdasy bolmaıdy.
Mamandar ata-analarǵa balalarynyń qalaı tamaqtanyp júrgenin muqııat qadaǵalap otyrý kerektigin eskertedi. Tek osylaısha ǵana fızıkalyq jáne psıhologııalyq turǵyda saý urpaq tárbıelep ósirýge múmkindik týady.
