Ǵalymdar: Balalardyń berilgen aqparatty qabyldaýynda dinı tárbıeniń yqpaly bar
ASTANA. QazAqparat - Ǵalymdar synaq barysynda balalardyń aqparatty qabyldaýyna dinniń de aıtarlyqtaı yqpaly bar ekendigin anyqtady, dep habarlady sheteldik BAQ.
Synaq barysynda 5-6 jastaǵy balalar birqatar synaqtan ótken. Olardy bilim alyp jatqan kádimgi jáne dinı mektepterine, shirkeýge barý-barmaýyna baılanysty toptarǵa bólgen. Osydan keıin balalarǵa shynaıy, fantastıkalyq jáne injil sıýjetterindegi oqıǵalardy baǵalaý usynylǵan.
Zertteý barysynda balalardyń barlyǵy birdeı shynaıy oqıǵalarǵa sengen. Alaıda dinge senetin balalar injil sıýjetterin shynaıy qabyldap, óz pikirlerin soǵan súıenip bildirgen. Al ádettegi mektepte oqyp, shirkeýge barmaıtyn balalar muny qııal-ǵajaıyp dep sanaıtyndyqtaryn aıtqan.
Osyǵan oraı ǵalymdar balalardyń aqparatty qabyldaýyna dinı tálim-tárbıe berýdiń aıtarlyqtaı yqpaly bar dep esepteýde.
