Ǵalymdar: Baqytty adamdar uzaq ómir súredi

Mundaı tujyrymdy Soltústik Karolına ýnıversıteniniń ǵalymdary jasady, dep jazady meddaily.ru . Olar 30 jyl boıy zertteýge qatysqan 3 myń erikti adamnyń ómirin baqylaǵan. Zertteýshiler qatysýshylardan olardyń qanshalyqty baqytty ekenin surady. Odan keıin eriktilerdiń jaýaptaryn aldyn ala ólim qaýpimen salystyrǵan, dep habarlaıdy The Daily Mail .

Baqytsyz adamdar ózderin óte baqytty sezingenderden góri 14 paıyz jıi qaıtys bolǵany anyqtaldy. Budan basqa, ózderin onsha baqytty emes sezingen qatysýshylar baqytty adamdarǵa qaraǵanda 6 paıyz jıi kóz jumǵan. Mamandardyń pikirinshe, baqytty adamdar kúızeliske jaqsy tótep bere alǵan jáne olardyń dostary kóp. Ómirdi uzartatyn osy sebepter.

Aıta keteıik, Avstralııa ǵalymdary taıaýda adamdardyń qansha jasta baqytty ekenin anyqtaǵan. Osylaısha, ómirge qanaǵattanýshylyq deńgeıi 15-ten 20 jasqa deıin kúrt tómendeı túsedi. Odan keıin 20-35 jas aralyǵynda birtindep azaıý atap ótiledi. Adamdardyń óz ómirlerine qanaǵattanýshylyq seziminiń eń tómen deńgeı - 35 pen 50 jas aralyǵynda. Odan keıin ol joǵarylaı bastaıdy.