Ǵalymdar: Baqytsyz mahabbat saldarynan adam ólip te ketedi
ASTANA. 16 mamyr. QazAqparat - Aǵylshyn ǵalymdary adam baqytsyz mahabbat saldarynan ólip ketýi múmkin degen pikirdi taǵy dáleldep shyqty."Jaraly júrek sındromy" shynymen bar deıdi olar.
Bul týraly BAQ.KZ jazdy.
Baqytsyz mahabbat, qaıǵy, qorqynysh, ýaıym - barlyǵy da júrektiń jarylýyna sebep bolady dep sendiredi ǵalymdar. Júrektiń derttenýine jan kúızelisi ǵana sebep bolmaıdy eken, kerisinshe qatty qýaný da ólimge ushyratýy múmkin.
Bul fenomendi "Jaraly júrek sındromy" dep ataǵan olar, bul dert adrenalın mólsheriniń kúrt ósýiniń saldarynan júrektiń tómengi kameralary toqtap qalyp, bar aýyrtpalyq júrektiń joǵary kameralaryna túsýinen paıda bolady deıdi.
Eger buryn zertteýshiler adrenalınniń kóbeıýinen júrek jyldamyraq soǵa bastaıdy degen tujyrym aıtsa, endi bul - júrekti álsiretip, durys jumys isteýine keri áserin tıgizedi dep túsindirýde.
Jaqyny qaıtys bolǵannan keıin keıbir adamdardyń kóp uzamaı dúnıe salýyn da "Jaraly júrek sındromymen" túsindirýge bolady.
