Ǵalymdar ajyrasýdyń negizgi sebepterin atady
ASTANA. QazAqparat - Áıelderdiń ajyrasýǵa ótinish berý sebebi anyqtaldy. Jubaılarynyń ózin ózgertpeýge tyryspaýy jáne qarym-qatynasty saqtap qalýǵa qulshynys bildirmeýi saldary kópshilik jaǵdaıda ajyrasýǵa alyp keledi. Áıelder birge ómir súrgen jyldar ishindegi qarym-qatynas qıynshylyqtaryna tótep bere almaıdy. Olar er adamdarǵa qaraǵanda eki ese kóp ajyrasýǵa ótinish beredi. Mıchıgan ýnıversıtetiniń zertteýshileri osyndaı qorytyndyǵa keldi, dep jazdy Daily Mail.
Atalǵan ýnıversıtet ǵalymdary 16 jyl boıy 355 erli-zaıyptyny zerttegen. Ár qaısysynan jyldar boıy suhbat alyp otyrǵan.
Áıelderdiń erlerge qaraǵanda shaǵymdary kóp bolǵan. Keıbir juptarda erler qarym-qatynasqa kóńili tolmaıtyny týraly múldem aýyz ashpaǵan, al olardyń áıelderi kersinshe kóbirek keıis bildirgen.
Ǵalymdar baıqaǵandaı, 16 jyldyń ishinde zertteýge qatysqan juptardyń 40 protsenti ajyrasqan.
