Ǵalymdar: áıelderge jas kezinde bosanǵan jón
ASTANA. QazAqparat - Aǵylshyn dárigerleri áıelderdiń egde jasta bosanýyna alańdaýshylyq bildirip otyr. Aptasyna keminde jasy elýden asqan úsh áıel bosanady eken. London ýnıversıteti kollledjiniń keńesshi-pedıatory Alastor Satklıff bul áıelder úshin óte qaýipti dep otyr, dep habarlady mir24.tv.
Onyń aıtýynsha, sońǵy jyldary bala týý kezinde ana ólimi jıi oryn alýda. Jasy kelgen áıelder kóp jaǵdaıda qan qysymynyń ózgerip, sonyń saldarynan qan uıyǵynyń paıda bolatynyna mán bermeı júr. Buǵan qosa, egde jastaǵy áıelderdiń balalary kóbinese óli týady nemese Daýn sındromyna jıi shaldyǵady eken.
«Elýden asqan jasta áıel ana emes, áje bolýy kerek. Sondyqtan, biz tabıǵattyń suranysyna saı bolyp, oǵan qurmetpen qaraýymyz kerek», - deıdi «Comment on Reproductive Ethics» kompanııasynyń ókili Jozefına Kvıntavall.
Aıta keterligi, álemde qartaıyp bala týǵan áıelderdiń ishindegi eń kári ana bolyp Omkarı Panvar sanalady. Ol 70 jasynda egiz ul tapqan bolatyn. Omkarı men onyń kúıeýinde eki úlken qyzy men bes nemeresi bar. Endi olardyń qataryna shekesi torsyqtaı egiz ul qosyldy.
