Ǵalymdar: Áıelderge bosanǵannan keıin jumysqa shyǵýǵa asyǵýdyń qajeti joq
ASTANA. QazAqparat - Kóptegen jas analar bosanǵannan tórt aıdan keıin de shamadan tys sharshaıdy. Sol sebepti Kvınslend tehnologııalyq ýnıversıtetiniń avstralııalyq sarapshylary jas analarǵa jumysqy shyǵýǵa asyǵýdyń qajeti joq deıdi.
Mamandar 33 deni saý áıeldiń uıqysyn zerttedi. Olar bosanǵannan keıin 18 aptadan soń da túngi uıqylarynyń turaqtylyǵyna qaramastan, ózderiniń qatty sharshap júrgenderin aıtqan.
Jas analar, orta eseppen alǵanda, túnine eki ret oıanady, al jalpy uıqysynyń ýaqyty 7 saǵat 20 mınýtty quraıdy. Mamandar bul jerde mańyzdysy uıqynyń uzaqtyǵy emes, onyń sapasy, dep habarlady Healthvesti.
