Ǵalymdar Atyraý oblysyndaǵy jylqylardyń neden ólgenin tekserip jatyr
2022 jyldyń 30 naýryzynda 4 bas mal ólgen, al 22 bas malǵa dáriger sımptomatıkalyq em júrgizip jatyr, dep habarlaıdy QazAqparat QR aýyl sharýashylyǵy mınıstrliginiń baspasóz qyzmetine silteme jasap.
Bıylǵy jyldyń 24 naýryzynda bıologııalyq materıaldar alynyp, jylqynyń rınopnevmanııasy men ınfektsııalyq anemııa men basqa da juqpaly emes aýrýlardy zertteý úshin «Veterınarııa boıynsha ulttyq referenttik ortalyq» ShJQ RMK-ǵa jiberildi. 29 naýryzda alynǵan zertteý nátıjesi janýarlarda juqpaly aýrý joq ekenin kórsetti.
31 naýryzda Qazaq veterınarııalyq ǵylymı-zertteý ınstıtýty men bıologııalyq qaýipsizdik problemalary ǵylymı-zertteý ınstıtýtynyń ǵylymı qyzmetkerleri ǵylymı-praktıkalyq kómek kórsetý, epızootologııalyq zertteýler júrgizý jáne jylqylardyń arasyndaǵy aýrýdyń dıagnozyn anyqtaý úshin synama alý maqsatynda Atyraý oblysyna keldi.
Qyzylqoǵa aýdanyndaǵy «Oıtań» sharýa qojalyǵyndaǵy qoı men ІQM qyrylýyna qatysty, veterınarııalyq baqylaý jáne qadaǵalaý komıtetiniń derekteri boıynsha, janýarlar maldy azyqtandyrý jáne tamaqtandyrý sharýashylyǵy tehnologııasyn buzý saldarynan óldi.
Sonymen qatar, komıtetke Mahambet aýdanynyń «Mýtıev G.D.» ShQ-daǵy jáne Qurmanǵazy aýdanynyń turǵyny Samat Elemesovtyń maldarynyń qyrylý faktileri boıynsha epızootologııalyq tekserý júrgizý týraly tapsyrma berildi.
Komıssııa qurylyp, onyń quramyna Veterınarııalyq baqylaý jáne qadaǵalaý komıtetiniń aýmaqtyq ınspektsııasynyń, ákimdiktiń, ǵylymı qyzmetkerlerdiń jáne basqa da múddeli organdardyń qyzmetkerleri kirdi.
Búgingi kúni mınıstrlik epızootııalyq jaǵdaıdy baqylaýda ustap otyr.
