Ǵalymdar asyl tastan turatyn ǵalamshar tapty
ASTANA. 9 jeltoqsan. QazAqparat - Brıtandyq jáne amerıkandyq ǵalymdar ǵaryshty zertteý jumystarynyń barysynda tutas bolmasa da aýqymdy bóligi almaspen qaptalýy yqtımal ǵalamshardy tapty. Bul týraly VVS kompanııasy habarlady.
«Almaspen qaptalǵan» ǵalamshar Jerden 1200 jaryq/jyl qashyqtyqta ornalasqan. Zertteýshi toptyń jetekshisi doktor Nıkký Madhýsýdhannyń aıtýynsha, álgi ǵalamshar asyl tasqa óte baı kórinedi. Jáne ol planetanyń atmosferasyndaǵy kómirtektiń quramy tym joǵary eken. Ǵalamshardyń «asyl tasty» topyraǵy týraly málimetter NASA -nyń Spitzer teleskopynyń kómegimen júrgizilgen zertteý jumysynyń barysynda alynǵan.
Londondaǵy Grınvıch observatorııasynyń mamandarynyń esepteýinshe, álgi aspan deneleriniń ústi almas tastardan, grafıtten jáne kómirtektiń basqa da qosylystarynan turady eken, jáne álgi zattardyń birazy suıyq túrde bolýy da yqtımal.
Zertteýlershilerdiń paıymdaýynsha, ǵalamda mundaı almas planetalar kóp bolýy múmkin. Biraq, olarda sý bolmaıdy, ony kómirtekke baı suıyqtyqtar almastyrýy yqtımal.
