Ǵalymdar: ashyǵý arqyly dıabetpen kúresýge bolady
ASTANA. QazAqparat - Ashyǵý dıetasy uıqy bezi jasýshalaryn qalpyna keltirýge múmkindik beredi, dep sendirýde amerıkalyq ǵalymdar.
Maıdyń joǵary mólsheri saqtalǵan, kómirsýlary men aqýyzdary az, tómen kalorııalyq dıeta adam aǵzasyn «qaıta iske qosyp», uıqy bezi jasýshalarynyń regeneratsııa mehanızmin kúsheıtedi.
Dárigerlerdiń pikirinshe, osyndaı jańalyq dıabetpen kúresýge múmkindik beredi.
Cell jýrnalyna jarııalanǵan Ońtústik Kalıfornııa ýnıversıteti ǵalymdarynyń zertteýleri tyshqandarǵa tájirıbe júrgizilgennen keıin usynyldy. Tyshqandardy birneshe ýaqyt boıy ashtyqta ustaǵan, keıinnen qalypty dıetaǵa otyrǵyzǵan.
Atalmysh tájirıbe adamdarǵa da jasalyp kórgen. Zertteýge qatysýshylar bes kún boıy maıdyń joǵary mólsheri saqtalǵan kómirsýlary men aqýyzdary az taǵamdardy paıdalanǵan. Keıinnen 25 kún boıy kez kelgen taǵamdy tutynýǵa ruqsat berilgen.
Ǵalymdar baıqaǵandaı, ashyǵý kezeńinde tyshqandardyń uıqy beziniń jasýshalaryndaǵy regeneratsııa mehanızmi kúsheıgen. Osyndaı úderis tin jasýshalarynda da baıqalǵan. Dárigerler osylaısha adam aǵzasynyń jumysyn ishinara qalpyna keltirýge múmkindik beretinin biraz ýaqyttan beri túsindirip keledi.
Alaıda, bul mehanızmniń qalaı júzege asyrylatyny beımálim edi jáne ony ashyǵýmen baılanystyrý mıǵa qonymsyz boldy.
