Ǵalymdar artyq salmaqpen kúresýdiń jańa tásilin tapty
ASTANA. QazAqparat - Zertteýshiler mystyń semirýge qarsy jańa tásil retinde paıdalanýǵa bolatynyn anyqtady. Bul metall nýtrıent maı jasýshalaryn ajyratýda bastapqy ról atqarady, dep habarlaıdy obozrevatel.com saıty.
Mystan uzaq ýaqyttan beri ydys-aıaq, elektronıka, zergerdik buıymdar jáne osyǵan uqsas basqa da zattardy daıyndaý úshin paıdalanylyp kelgen. Alaıda sońǵy ǵasyrda atalǵan metall aǵzadaǵy atqaratyn belgili bir bıologııalyq qyzmetterge áseri ózine úlken nazar aýdartty.
Mystyń qyzyl qandy aǵzalardy qalyptastyrý, temirdiń sińirilýi, biriktirýshi tinniń damýy jáne ımmýndyq júıeni qalpynda saqtaý úshin paıdaly ekeni anyqtalǵan. Al endi ǵalymdar mystyń maıdyń zat almasýdaǵy rólin de dáleldep shyqty.
Berklıdegi Kalıfornııa ýnıversıtetiniń zertteýshileri mystyń energııa kózi retinde paıdalynatyn maı jasýshalaryn ajyratý úshin qajet ekenin anyqtady. Onda mys retteýshi rólin atqarady. Aǵzada mys neǵurlym kóp bolsa, soǵurlym maıdyń úlken kólemi ajyratylady. Zertteý avtorlary mystyń jetispeýshiligi semizdik jáne onymen baılanysty aýrýlarǵa ákelip soqtyra alatynyn da shamalap otyr.
Ǵalymdar bul metaldyń aǵzada ózdiginen shyǵarylmaıtynyn, jáne mystyń qajetti kólemi azyq-túlikterdiń kómegimen alynýy tıis ekenin eske salady.
