Ǵalymdar artyq salmaq jınaýdyń basty sebebin atady
ASTANA. QazAqparat - Amerıkalyq ǵalymdar adamdar tamaqtaný ratsıony árqashan túrli-túrli bolatyny sebepti artyq salmaq jınaıtynyn anyqtady, dep habarlaıdy «Reseı gazeti». Bul rette, atalǵan sebeptiń zııany osyǵan deıin jurttyń bári artyq salmaqtyń paıda bolýyna negiz bolatyn - kóp otyrý, qımyl-qozǵalysy az ómir saltynan da asyp túsken.
Eksperımenttiń negizgi maqsaty - sýsaq (qant dıabeti) sııaqty derttiń damý qaýpin anyqtaý. Oǵan shamamen 7 myń erikti adam qatysty. Tájirıbe bes jylǵa sozylǵan. Bul kezeńde eriktilerdiń beli ólshenip, olardyń tamaqtanýyna taldaý jasalǵan. Sonyń nátıjesinde tamaqtaný ratsıony túrli-túrli bolǵan adamdardyń semizdikke shaldyǵý qaýpi joǵary ekeni belgili boldy. Osyndaı ratsıon glıýkoza men qan qysymynyń deńgeıin qatty ózgertedi. Adam boıynda maı jınalyp, túrli dertke shaldyǵý qaýpi artady.
Kólemdi zertteýdiń avtorlary adam aǵzasyndaǵy shalystyqtyń negizgi faktory - adamdardyń birneshe túrli taǵamdy jeýge umtylýy ekenine senimdi.
