Ǵalymdar: artyq salmaq balalardyń oılaý qabiletin tómendetedi
ASTANA. QazAqparat - Mamandar balalardyń salmaǵy olardyń oılaý qabiletimen tikeleı baılanysty ekenin anyqtady. Zertteý barysynda semizdikke dýshar bolǵan nemese artyq salmaǵy bar balanyń óz isterin tıisti josparlaı almaıtyny anyqtaldy.
Eksperımentke salmaǵy qalypty 7-11 jas aralyǵyndaǵy 45 bala qatysqan. Olardyń ishinde 24-i turaqty túrde sportpen aınalysqan. Budan basqa, zertteýge sondaı-aq artyq salmaǵy belgilengen taǵy 45 bala qatysty. Barlyq qatysýshylarǵa olardyń oılaý qabiletin anyqtaıtyn testileýden ótý usynylǵan.
Ǵalymdar sondaı-aq fızıkalyq jattyǵýlardyń balanyń mıynyń jumysyna oń áserin beretini týraly aıtyp otyr. Sportpen shuǵyldanatyn balalar salmaǵy qalypty bolsa da, jattyqpaıtyn qurdastaryna qaraǵanda eń úzdik nátıjeler kórsetti, dep jazady sheteldik BAQ.
